5. Ahtanuššama áigi (1970–1995)

Eino Guttorm/Jovnna-Jon Eino (1941–2005)

Eino Guttorm

Eino Guttorm. © Min Áigi.

Eino Guttorm riegádii Ohcejogas ja orui Vuovdaguoikkas. Son váccii skuvlla Vuovdaguoikkas ja barggai geaidno- ja huksenbargguin ja girječállin. Son čálii sámegillii ja suomagillii.

Vuosttas sámegiel romána

Eino Guttorm almmuhii vuosttas sámegiel romána Árbeeatnan luohti jagis 1981:s.

Eino lea lohkan ahte dehálaš lea čállit sámegillii vai dat seillošii. Son ieš oahpahalai čállima ja dadjá ahte go suomagiella bođii, de dat seaguhii njálmmálaš giellariggodaga. «Mu muitalusat leat dakkárat, maid lea váttis čállit dálá áiggi geafes gielain.» Dan njálmmálaš rikkes giela Eino leage geavahan girjjiinis.

Buot su girjjit muitalit Deanuleagi olbmuid eallimis, kultuvrras, eallinvuogis, vádjitvuođain ja buresbirgejumis.

Okta Eino Guttorma dovdoseamos divttain lea sogaid birra, «Duoddara Šuvva» diktagirjjis. Das son iktá sogaid luonddu, riggodaga, doavki- dahje jierbmáivuođa, eallivuogi ja dábiid.

Girjjit

  • Árbeeatnan luohti. Romána (1981)
  • Varahuvvan bálgát. Romána (1985)
  • Duoddara šuvva. Divttat (1985)
  • Behtar soadis. Romána (1986)
  • Tunturimorsian. Romána suomagillii (1989)
  • Noaidegopter. Mánáidgirji (1996)
  • Bearralat Deatnogáttis. Noveallat (1998) (Sámiráđi girjjálašvuođa bálkkašupmi)
  • Sámiálbmoga epos. Áššu nr. 103–106/2004

 

© Davvi Girji OS 2008