5. Ahtanuššama áigi (1970–1995)

Inga Ravna Eira/Iŋgos-Máhte Iŋgá (1948–)

Inga Ravna Eira

Inga Ravna Eira. © Davvi Girji.

Gii lea Inga Ravna Eira?

Inga Ravna Eira lea riegádan 1948:s Kárášjogas gos son maiddái dán áigge orru ja bargá oahpaheaddjin. Son lea maid bargan oahpaheaddjin Guovdageainnus ja Jáhkovuonas. Inga Ravna Eira lea leamaš Sámi girječálliid searvvi ovdaolmmožin. Son lea giellaberošteaddji guhte ovddida sámegiela sihke skuvllas ja servodagas. Son lea doallan moanaid čállinkurssaid mánáid, nuoraide ja ollesolbmuide.

Máŋggabealat girječálli

Inga Ravna Eira lea máŋggabealat girječálli guhte lea dán rádjai buvttadan sihke mánáidgirjjiid, oahppogirjjiid, divttaid ja eará čállosiid.

Čáppagirjjálašvuohta

  • Mánát máinnastit: Guovdageainnu nuoraidskuvlla mánát čállet ja govvidit. 1979
  • Savdnjiluvvon nagir. Divttat. 1989. Ovttas Ellen Marie Varsiin ja Kaia Nilseniin.
  • Mellet. Govvagirji. 1992. Jorgaluvvon maiddái dárogillii (1992)
  • Lieđážan. Divttat, 1997. Jorgaluvvon maiddái dárogillii (2003)
  • Ovcci vuomi njolgá. Mánáidgirj. 2003 (Su bárdni Tor Máhtte lea govaid dahkan girjái dalle go lei 9-jahkásaš).
  • Čuologeađgi: Divttat maid ovdanbuktá oktan musihkain, dánssain ja luđiin.

«Čuologeađgi» čájáhus gudnejahttá luonddu ja dan fámuid, ja seammás jearrá ahte livččiigo máilbmi earalágan jus válddášii eanet vuhtii álgoálbmogiid dieđuid ja dáidduid. Čuologeađggi vuođđun lea sámiid eamiosku.



 

© Davvi Girji OS 2008