5. Ahtanuššama áigi (1970–1995)

Marry Ailonieida Somby (1953–)

Marry Somby

Marry Ailonieida Somby. © Anne Berit Anti / Min Áigi.

Gii lea Marry Ailonieida Somby?

Bajásšaddan boazodoallobearrašis

Marry Ailonieida Somby lea riegádan Deanus. Son lea bajásšaddan boazodoallobearrašis Sirpmás Deanus. Son váccii skuvlla Sirpmás ja nuoraidskuvlla son váccii Sieiddás, go son ásai dalle internáhtas. Son lea dovddus čálli ja kulturbargi Sámis.

Maid Marry Ailonieida Somby čállá?

Vuosttaš mánáidgirji sámegillii

Marry Ailonieida Somby mánáidgirji Ámmul ja alit oarbmælli lea mearkadáhpáhus sámi girjjálašvuođas. Girji ilmmai 1976:s ja lei vuosttas sámegiel mánáidgirji. Sáhttá dadjat ahte Ámmul ja alit oarbmælli-girji gullá sámi klassihkáriidda.

  • Ámmul ja alit oarbmælli. Mánáidgirji. (1976) dárogillii Ámmul og den blå kusinen. (1977)
  • Lille Stallo. Teáhterčájálmas. (1979)
  • Stainnak, den hvite reinen. (filbma/TV/radio/video) ( 1989)
  • Raidustallan. Mánáidgirji. (1983) dárogillii Ráiden går. (1993)
  • Beaivváš nieida. Mánáidgirji. (1990) dárogillii Solens datter. (1990)
  • Krigeren, elskeren, klovnen. Mu apache ráhkisvuohta. Divttat dárogillii ja sámegillii (1994)
  • Bajándávgi. Romána (2004)

Su čállosat leat maiddái dáid girjjiin dahje áigečállagiin:

  • Ei heil vøa. Davvinorgga antologiija (1982)
  • Vår jord er vårt liv. Antologiija (1991)
  • Denne teksten. Antologiija (1997)
  • Der veiene tar til. Barents-antologiija (1999)
  • Dás álget johtolagat. Antologiija (2001)
  • Trykk 2005. Girječálli oahpu antologiija, Tromsa (2005)
  • Helt øverst bak havet. Davvinorgga antologiija (2007)


 

© Davvi Girji OS 2008