5. Ahtanuššama áigi (1970–1995)

Inga Karlsen (1934–)

bildebeskrivelse

Inga Karlsen. © Susanne Lyngmann.

Inga Karlsen lea julevsápmelaš girječálli, guhte čállá mánáidgirjjiid julevsámegillii. Son lea čeahpes muitaleaddji ja lea johtán skuvllain ja mánáidgárddiin máinnasteamen. Son berošta das ahte sámi njálmmálaš muitalanárbi ii galggašii jávkat. Son lea 2008’ rádjai almmuhan julevsámegillii guokte girjji Jåvvå-vielja birra. Nubbi dain girjjiin lea jorgaluvvon dárogillii ja das almmuhuvvo 2009:s maiddái jietnagirji julevsámegillii.

Inga Karlsen lea bargan veahkkedivššárin, muhto lea dál ealáhagas ja su orrunbáiki lea Vuodnabahta/Hellmobotn. Son lea servodatberošteaddji, áhkku ja sámi muitalanárbbi gaskkusteaddji.

Almmuhan

Jorgaluvvon dárogillii

  • Jåvvå-viellja: Reisen til Ukraina. Jorgaleaddji Heidi L. Andersen (2004)


 

© Davvi Girji OS 2008