5. Ahtanuššama áigi (1970–1995)

Kati-Claudia Fofonoff (1947–)

bildebeskrivelse

Kati-Claudia Fofonoff. © Seija Guttorm / Davvi Girji.

Gii lea Kati-Claudia Fofonoff?
Nuortalaš girječálli

Kati-Claudia Fofonoff lea riegádan Avvilis ja doppe son maid dál orru. Son lea nuortalaš ja čállá sihke nuortalašgillii ja suomagillii. Su váhnemat fárrehuvvojedje nuppi máilmmisoađi geažil Beahccámis, Suennjel siiddas, Čeavetjávrái. Kati-Claudia Fofonoffas lea kántorčálli oahppu ja son lea bargan dan barggus Haukipudas-nammasaš báikkis Suomas.

Maid son čállá?

Kati-Claudia Fofonoff čállá sihke divttaid, noveallaid ja muitalusaid. Son viežžá dávjá čállima fáttáid iežas čállosiidda nuortalašsámi kultuvrras ja eallimis. Son maiddái jorgala girjjálašvuođa nuortalašsámegilli, omd. Saint-Exupery. U'cc priinsâž (Uhca Prinssáš). Oassi su čállosiin lea maid jorgaluvvon eará gielaide: davvisámegillii, dárogillii, islánddagillii ja suomagillii. Son lea okta daid hárvenaš girječálliin geat čállet nuortalašsámegillii, man dál hállet sullii 400 olbmo. Fofonoff lea čállán earet eará dáid girjjiid:

  • Paatsjoen laulut/Pââšjoogg laulli (1988–1989) (Namma davvisámegillii mearkkaša Báhčaveijoga lávlla) (girji ja jietnagirji)
  • Jânnam muttum nuu'bbioo'ri. Tiivtid (Namma davvisámegillii Eana áđai nuppebeliid)
  • fárus Savvon (1983) ja Juoga mii geasuha (2001) antologiijain
  • Vuämm Jee'elvueí'vv. Mainnâz (Girjji namma davvisámegillii mearkkaša Boares Jeageloaivi. Máidnasat)

Fofonoffa girjji jorgaluvvon eará gielaide:

  • Eana áđai nuppebeliid (davvisámegillii Rauni Magga Lukkari)
  • Kloden dreier. Dikt (davvisámegielas jorgalan Laila Stien)
  • Undir nordurljósum. Samisk ljód (2003) (Einar Bragi)
  • Maa muovattu toisin päin (cd-jietnagirji). Girječálli ieš jorgalan suomagillii.

 

 

Dáppe gávnnat maiddái Kati-Claudia Fofonoff birra dieđuid:

Wikipedia



 

© Davvi Girji OS 2008