5. Ahtanuššama áigi (1970–1995)

Rauni Magga Lukkari (1943–)

bildebeskrivelse

Rauni Magga Lukkari. © Ávvir.

Rauni Magga Lukkari lea riegádan Veahčakis, Ohcejoga gielddas. Son lea ássan Romssas juo moaddelot' jagi.  Sus lea iežas girjelágádus, mii almmuha eanaš su iežas girjjiid ja jietnagirjjiid.

Rauni Magga Lukkari čálligođii sámegiela čáppagirjjálašvuođa juo 1980-logus. Su mii dovdat diktačállin, prologačállin ja čáppagirjjálašvuođa jorgaleaddjin. Son lea maiddái doaimmalaš kulturbargi. Rauni Magga Lukkari divttat leat jorgaluvvon earet eará suoma-, dáro- ja islánddagillii ja leat almmuhuvvon sámi girjjálašvuođa čoakkáldagain dahje sierra girjin.

Girjjit

  • Jieŋat vulget (1980)
  • Báze dearvan, Biehtár (1981)
  • Losses beaivegirji (1986)
  • Mu gonagasa gollebiktasat / Min konges gylne klär (1991)
  • Čalbmemihttu / Silmämitta (1995)
  • Árbeeadni (1996)
  • Dearvvuođat (1999)
  • Ávvudivttat (2006) Leat maiddái CD:n.
  • Lihkkoš almmái / En lykkens man. Teáhterčájálmas – monologa (2007)

Jorgaleamit

  • Stien, Laila: Olle P ja imaš beaivváš (1991)
  • Bragi, Einar: Vaikke jiehkki jávkkodivččii (1998)
  • Palmer, Marion: Utsatte strøk/Rašis guovllut (1999)
  • Fofonoff, Kati-Claudia: Eana áđai nuppebeliid (2000)
  • Dás álget johtolagat: Barents guovllu antologia (2001) Sámegillii Jovnna-Ánde Vest, Rauni Magga Lukkari ja Petter Johanas Lukkari.
  • Katajavuori, Riina: Gii hállá. Divttat (2004) Rauni Magga Lukkari ja Petter Johanas Lukkari.
  • Södergran, Edith: Manin munnje eallin addui (2004) Rauni Magga Lukkari ja Petter Johanas Lukkari.
  • Tikkanen, Märta: Čuohtelogu ráhkesvuođacuvccas (2005)
  • Fosse, Jon: Soames lea boahtimen. Teáhterčájálmas. (2005)

 

Wikipedias gávnnat maiddái su birra dieđuid.



 

© Davvi Girji OS 2008