6. áigodat: Áigi 1995-logu rájes (nuoramus geardi)

Liv Tone Boine (1967–)

bildebeskrivelse

Liv Tone Boine. © Michal Aase / Davvi Girji.

Liv Tone Boine lea riegádan 1967:s Kárášjogas Anárjohk’gáttis. Son lea vázzán oahpaheaddjioahpu Guovdageainnus ja lea bargan oahpaheaddjin, journalistan ja kulturbargin. Dál son bargá oahpponeavvodoaimmaheaddjin.

bildebeskrivelse

Savkkas girjealmmuheami oktavuođas Sámi joatkkaskuvllas Kárášjogas. Doaimmaheaddji Marit Gunhild Sara (gurut) ja Liv Tone Boine. © Seija Guttorm / Davvi Girji.

Maid Liv Tone Boine čállá?

Liv Tone Boine čállá divttaid, noveallaid ja oahpponeavvuid. Su vuosttas čáppagirjjálašvuođa girjji namma lea «Savkkas» mas son čállá noveallaid mánáid ja nuoraid várás. Noveallat leat áššiid birra mat nuoraide ja mánáide gusket, muhto maid birra ii álo leat nu álki ságastit.

Liv Tone lea čállán divttaid náittos- ja konfirmašuvdnakoarttaide, ja eará koarttaide maid, ja son lea jorgalan dárogielas sámegillii riegádanbeaikalendera divttaid, maid Signe Eira lea čállán.

  • Luondduipmašat. Fáddagirji smávvaskuvladássái (2005)
  • Savkkas. Noveallat mánáide ja nuoraide (2007)
  • Dálveluondu. Fáddagirji smávvaskuvladássái. (2008)
  • Šuoŋaid šaldi. Lávllagirji mánáide (2008)
  • Luondduipmašat bargogirji. Fáddagirji smávvaskuvladássái (2008)


 

© Davvi Girji OS 2008