5. Ahtanuššama áigi (1970–1995)

Merja Aletta Ranttila (1960–)

bildebeskrivelse

Merja Aletta Ranttila. © Michal Aase/Davvi Girji.

bildebeskrivelse

Merja Aletta mánáidgirji «Gomuvuođa guossit» mii almmuhuvvui 2007:s.

Govvadáiddár ja girječálli

Merja Aletta Ranttila lea riegádan Suoma Sámis, Gáregasnjárggas Ohcejoga gielddas. Dál son ássá Anáris. Son lea vázzán Lappi dáiddaskuvlla 1980-82 ja dasto Rovaniemen Taide- ja käsiteollinen oppilaitosis (Roavvenjárgga dáidda- ja duodjeindustriijalaš oahpahagas) 1982-86.

Merja Aletta Ranttila lea eanemus dovddus govvadáiddárin ja son lea doallan moanaid čájáhusaid sihke Suomas ja eará riikkain. Merja Aletta Ranttila lea Suomas eanemus dovddus sápmelaš dáiddáriid gaskkas. Son lea dáidagisttis govvidan váttes áŧestusa dovdduid, muhto dán áiggi su govain leat geahppadat fáttát.

Merja Aletta Ranttila lea sárgon govaid máŋgga girjái, earet eará son lea sárgon govaid anárlaš Rauna-Paadar Leivo girjjiide. Son lea maiddái sárgon govaid ollu oahppogirjjiide.

Son lea dovddus maiddái go lea ráhkadan ollu čáppa poastakoarttaid sámi olbmuin ja luonddus.

1999:s almmuhuvvui Anáris girji «Oma kuva», mii lea Merja Aletta Ranttila birra. Das leat su litografiijat, beaivegirječállosat ja divttaid lassin čállon portreahtta su birra.


Čállá mánáidgirjjiid

Merja Aletta lea čállán mánáidgovvagirjjiid, maidda son ieš lea sárgon govaid. Ánde-ráiddu girjjit lea buot unnimus mánáid várás. Gomuvuođa guossit-girji lea árbevirolaš máidnasa vuođul hutkojuvvon diktamuitalus das mo sápmelaš bođii Sápmái. Dasa son lea geavahan sihke sárgumiid ja fotoid, nu ahte teaksta ja govat gullet oktii ja dahket oppalašvuođa.

Ammuhuvvon girjjit

  • Ánde ja ártegis guhkesbeallji (1991)
  • Ánde ja Lávlla Lásse (1992)
  • Ánde ja Gálle Guolánaš (1994)
  • Gomuvuođa guossit (2007)

 

 

Merja Aletta Ranttila birra gávnnat máiddái Wikipedias dieđuid:



 

© Davvi Girji OS 2008