5. Ahtanuššama áigi (1970–1995)

Harald Gaski (1955–)

bildebeskrivelse

Harald Gaski. © Rune H. Schulstad.

Harald Gaski lea riegádan Deanu gielddas, Sieiddás. Son lea Romssa Universitehta 1. amanuensa ja dutká ja oahpaha sámi girjjálašvuođa ja kultuvrra.

Son čállá sámi girjjálašvuođa oahppogirjjiid joatkkaskuvlla, allaskuvlla ja universitehta várás. Son lea maiddái jorgalan čáppagirjjálašvuođa eará gielaide ja čállá ieš maiddái čáppagirjjálašvuođa.

Harald Gaski lea áŋgiris sámegiela ja –girjjálašvuođa ovddideaddji ja dan barggu ovddas son lea ožžon Gollegiella-bálkkašumi 2007:s.

Biejjien baernie

Harald Gaski lea almmuhan ollu čállosiid sámi girjjálašvuođa fáttáin, muhto eanemus dovddus son lea das go lea dovddusin dahkan dábálaš sápmelažžii sámi dološ myhtaid, earet eará Biejjien baernie (Beaivvi bártni soagŋu jiehtanasaid riikkas), man Anders Fjellner lea muitui čállán juo 1800-logus.

Jorgaleaddji

Harald Gaski berošta das ahte sámi girjjálašvuohta galggašii šaddat dovddusin eará álbmogiidda, ja leage ieš jorgalan sámi girjjálašvuođa ja bargá dan ovdii ahte sámegiela girjjit jorgaluvvojit eará gielaide. Son lea earet eará leamaš mielde jorgaleamen Áillohačča divttaid dáro- ja eaŋgalasgillii.

Harald Gaski ovddida maiddái eará gielaide čállon álgoálbmotgirjjálašvuođa sápmelaš lohkkiide, nu mo omd. oahppogirjjistis Njealját máilbmi čállá, mii lea álgoálbmotgirjjálašvuođa čoakkáldat joatkkaskuvlla oahppiide.


Čiežain čáziin

Girjjiinis Čiežain čáziin man son lea ovttas Lars Nordstrømain čállán, son oaččui Sámiráđi girjjálašvuođa bálkkašumi 2002:s. Girji lea jorgaluvvon ruoŧa-, eaŋgalas- ja dárogillii.

Čiežain čáziin lea muitalus man vuolggaha dološ luohti, mii oažžu nuorra gándda Pávva vuolgit ohcat čiežalágán čázi vai bearraša dilli buorránivččii.

Čállán earet eará

  • Guhkkin nuppe bealde ábi (1990)
  • ...nu gárvvis girdilit... sámi girjjálašvuođa oahppogirji (1991)
  • Čálagovat. Sámi girjjálašvuođa historjá (1998)
  • Njealját máilmmi čiegáin. Álgoálbmotgirjjálašvuohta (2000)
  • Jođi lea buoret go oru. (2003) Ovttas Aage Solbakkain
  • Biejjien baernie. Sami Son of the Sun. Beaivvi bárdni (2003)
  • Sámi čállit. 25 sámi čáppa- ja fágagirjjálaš sátneduojára (2006)

Doaimmahan

  • Cafe Boddu.Essayčoakkáldat 1. (1991)
  • Cafe Boddu.Essayčoakkáldat 2. (1995) Ovttas John Trygve Solbakkain
  • Cafe Boddu.Essayčoakkáldat 3. (1998) Ovttas John Trygve Solbakkain
  • Njealját máilbmi čállá. Álgoálbmotgirjjálašvuođa čoakkáldat (2003)
  • Åvtese jåhta. Sámi girjjálašvuođa čoakkáldat máttasámegillii. (2005) Doaimmahan ovttas Lena Kappfjellain.
  • Ivdnesuotna. Sámi čáppagirjjálašvuođa čoakkáldat (2008) Doaimmaheaddjin.
  • Min njálmmálaš árbevierru. (2004) Ovttas John Trygve Solbakkain ja Aage Solbakkain.

Čáppagirjjálašvuohta

Jorgalan

  • Valkeapää, Nils Aslak; 1990: Solen, min far. Ovttas Jon Todalain ja Kristina Utsiin.
  • Valkeapää, Nils Aslak; 1997: The Sun, My father. Ovttas Lars Nordströmain ja Ralph Salisburyin.
  • Tiden er et skip som ikke kaster anker – samiske ordtak (2004)
  • Time Is A Ship That Never Casts Anchor. Sami Proverbs (2006)
  • Valkeapää, Nils Aslak; 2006: Jorda, min mor.

Sámi leksikon – Sisdoalu čilgehus



 

© Davvi Girji OS 2008